Mengalung pingkae su alungu binawa.Metirolong langi Suwowong Tagialu.
Mendedapo tunkue Mendedating tadetene Hamu u bialelang Menggegala dempuge Lohang ngu kalu kaluwulaeng.Nepisi lapise nipikiung ngu lumu. Daukalung hawu nawae naleka
Nalekabe nawo benuse uhu,ensa u lowoe.Namuhe enede hamu ne nahang batu.Ondole ...
Nawongkasang daukalung pialelang,lekabe pisi lendeng pegasu tungkue.
Lendeng ...Pegasu hiwang lawesang,enede ...hiudu sege nenawuhe bengi nenahang sega.
Salumisi bembulaeng megegulingging meneneh matehing pehadeng.
Lunsihe su bongkone metetumbati ...meleluhude bembulune,nntagu tumbalohe kalimbotong sumahe ingge, taku kireng Tana lawo mededea Balawo.
Berang salamangka maka tamba pahengking,lumente bentihe menenawede ...hiwang lawesang. Tamalaweng kakokotang,mangimpopo su kalahego.memuka saluhe mumue tagialu meneking, mendasage, menubung pemuka tundung liang ngi bahiking,menondong lawese mendae eng lamene buheti u eli nasahiambeng pendangsesahiambengangu temang i sipiru naung.Tumompe u'raling saghipong dasage sesengehangngu luhude kumanoa engsania, sesaniakengu kanoa.Kahadu batang gantare u'wanua kisong daukalu,bali u'binangaeng Mendolong timbowo,kukahioro u'tempo.
Tumumpa ... Ta manawong pengengiralungang,mengumbele binangaeng medisi su Winalangeng ne dumpaeng kila. Lumintu pantuhu,Lumempang deluse somahe kehaghe.
Kimomohe ...Penahulending uwuse.Namuhu timuhe nelamude nusa napetangu sasi
Nesuleng puaga.Daleng limente nenentang liewehe nitiu u anging, namara reka
nimahulendingang. Nienede ...Suhiwang nitapi kapia,Taghaloang sebung sasi, nelamude apeng. Nesuleng huso, simue suhimang,pundalu sengiungtaka hinsangeng, petong sengkatau su bangka u' senggesa. Hiabe ...liewehu lano uwusu singgata,Singgatang kendagu DUATA.
Banua kalonge matualageng sumenang-simarang nikahumperongang
suhiwang Gengghona, timbowo u nikalenabeng Mawu. nitaking Masusi.
Tidak ada komentar:
Posting Komentar