SYAIR-SYAIR PURBA NUSA UTARA (KAKUMBAED'U WALE LAWO)

KAKUMBAED'U WALE LAWO

1 Lëampungang kai Wuole,
tabeakeng Kaodipang.
2 Buolë tawe datune,
Kaodipang ta malambene.
3 Pia datu kai ghanti,
malambe kate kaluang;
4 kate ahus'u maghugu,
pulung u parasidenti,
5 ta kere ratu irui,
malambe irediolong;

6 dui su kotam Balanda,
baloaring kumpania.
7 Buhue su Manaro i Raloda,
su Wenang i Donambala.
8 Ilelee, ilelee,
saghênnu, isaghënnue,
9 ilele sarang Bandang,
sarang tahanusang Kapu.
10 Dorongang: 'ndai kasule,
sule, 'ndai kasumbali,
11 'ndai kasule su Witung,
kasumbali su Tariang.
12 Su Witung i Makanine,
su Tariang i Makatinalung.
13 Sasae kasëlle su Witung,
pangiluwe su Siridulang.
14 Su Wiaho i Pulumbalang,
su Kolo-kolo i Sasindua.
15 Su Taghulandang i Pako,
Mandajokang i Tamungku.
16 Su Minanga i Kantóhe,
tau i mangoheng bara.
17 Su Siau i Mohonisë,
tingkahem bowon sasau.
18 Su Pehe i Winsujangj,
pëgasen datu lumiu.
19 Su tanang Kiawang i Hengkengunaung,
samurine ilase wue.
20 Dala Ulu, dala Ulu,
Indala, dala Indala;
21 dala Ulung i Kakape,
Indalang i Kakalape,
22 tau i Kakape wano,
i Kakalape nilawu,
23 ilëmbe keta buwene,
iwala këta bawine;
24 ene kai wuwe pëlli,
bawine ta kasasëba.
25 Su Wowone i Manukang,
su Sanggaluhang i Liotahi,
26 Manukang manuem boba,
Liotahin taghaloang,
27 manu nëtiki su watang,
nangena su Lantomboba.
28 Ilëmmangke, ilëmmangke,
irakie, irakie;
29 ilëmmangke sarang Para,
daki sarang Malëkaheng.
30 Su Para ta datune,
Malëkaheng ta malambene,
31 datune kai wëbato,
malambe sanggel'u ratu.
32 Ilëmmangke, ilëmmangke,
irakie, irakie,
33 ilëmmangke sarang Siha,
daki sarang Kalukëti.
34 Ilëmmangke sarang Kahakitang,
iraki sarang Malenteëng.
35 Ilëmmang sarang Kalama,
irakj sarang Mambengelang.
36 Ilëmmang sarang Bëbalang,
daki sarang Tolepeti.
37 Ilëmmangke, ilëmmangke,
irakie, irakie;
38 ilëmmangke sarang Sangihë,
daki sarang Tampulawo,
39 sarang Sangihe napepidë,
Tampulawo napatiku,
40 napepidë niralengang,
napatiku nitempangeng.
41 Buhue su Tamako i Kalu,
Mantëllagheng i Kalëngkitu.
42 Aiko karoleng apeng,
karalëpe su Hghareng;
43 karoleng apeng u laudë,
Hghareng u taghaloang.
44 Iotong su Manganitu,
isahampi Maobungang.
45 Su Manganitu i Tompo,
Maobungang i TompoHu.
46 Sasae iraki Tahuna,
isahampi Malahasa.
47 Su Tahuna i Wuntuang,
Malahasa i Puluntumbagë.
48 Su Mitung i Manangkilë,
lumombon datu lumiu.
49 Su Wëha i Makalangj,
tau i Makalanginging.
50 Su Kalongang i Tatehe,
tau makatehe woba.
51 Sasae iotong su Këndahë,
isahampi Malinggaheng.
52 Su Këndahë i Hiung,
Malinggaheng Bagania.
53 Su Talawidë i Puko,
tau Papukoliwutang.
54 Su Tariang ta datune,
Lombontari ta malambe.
55 Su Sawang i Rodoti,
Belengang i Pontolawokang.
56 Su Sahabë i Matali,
Mansohowang i Pangalorelu.
57 Su Lumaugë i Tabui.
Su Toadë i Watasina.
58 Sasae iraki Tawukang,
isahampi Dimpulaeng.
59 Su Tawukang i Ghama,
Dimpulaeng i Wuateng.
60 Su Kuma i Koloboba.
Su Kuluhë i Makakulëting.
61 Su Tonggentulang i Mëgënnung.
62 Su Manalu i Lumampo,
Mairokang ta kaliuang.
63 Sasae motong su Tëhang,
manahampi Batuwingkung;
64 ketaem motong mënden9,
manahampi mëndaraki.
65 Su Moadë i Kansilë,
Manuwo i Ungkedio.
66 Ene ratu, ene ratu,
malambe, ene malambe,

67 ene ratu pëlëpaseng,
malambem panalentekang,
68 datu pëlëlaseng liri,
panalentekang sinia.
69 Arakuteu pia kalaeng kukio,
sahanggia guginuë;
70 niawikang i Montone,
keleim Mamamitane.
71 Pia utae kinante,
saupange kinurai,
72 uta kinanteng kalelo,
kinurain dopo-dopo.
73 Taho su walang kalanda,
iwënta su malengkerang.
74 Pahundingo, pahundingo,
pawawa, pahumpawawa;
75 pahundingo su ratune,
pawawa su malambene,
76 dingo su ratun Nanusa,
su malamben tau Lirung.
77 Su Talaudë i ratu Wumbulu,
su Isihoro i Saupanglawo;
78 Kënnang mëdarekeng bando,
mëtatalekehen nilawu,
79 bandone ta kasione,
nilawu ta kapulone.

80 Kuteu kai nisasuleng ongosë,
nisumbalien timbowo.
81 Nisule su Ngalipaeng,
nisumbali Tawaraëng.
82 Su Ngalipaeng i Lokong,
tau i Lokongbanua;
83 pia bansage limëlling,
pulëtae namatiku,
84 nanëdem bara pëhëngking,
kumëngkila papataku,
85 Këllunge laënsa bala,
gaghalindunge wawata sogilawo;
86 sasae nakasoso buntu,
nakasiuhe pangalo,
87 seke nawëntale dade,
nasarang kawahanine.
88 Sau isule su Wuolë,
isumbali Kaodipang.


SUMBER : W. Aebersold
Sasahola Laanang Manandu (De lange Sasahola). (Sangirese tekst met Ned. vert.)

In: Bijdragen tot de Taal-, Land- en Volkenkunde 115 (1959), no: 4, Leiden, 372-389