PUISI-PUISI KARYA IVERDIXON TINUNGKI
SASALAMATEU PESASOMBANGENG
limintu
pantuhu lumempang somahe
mamuka
saluhe menahulending bawera
pehade
su wulude asing sutaghaloange
natehi
su marenge nitaking Masusi
dimenta
bou marau nanawuhe bengi
nusa
kinawantelang nalamude sangi
salamate
amang, salamate inang
ndai
kaiang suhiwang Ghenggona
su
singgatang kakendagu Hapi Mapia
pesasombangeng
apangu nawembang
semenang
simarang su elo kukero
elo
mapia su lenehe naung
nitaingu
Masusi susasembua wera
ndai
wera dalai kanawo
wera
mapia kadeho
bou
daraselangi upung
tedeko
putung kapapia naung
KALIBEMBANG SU RANOU MAKALEHI
pia
kalibembang
simebang
bou
pendang nawembang
lumiku
rano medea lelangi sangiang
polo
sangiang kemageng seng nailang
kere
menggala winawa su rano tai kasuhungan
su
wiwihe rano mangkete lulegeu wungang
hiwang
lawesang mangenede bengi
dundangku
suipi tai kasulungan
nemuka
tudung liangi sasangitang
pirua,
daluase rano salumisi bembulaeng
sasulinge nawae namuka segang bawelo
limente
suwadang kalibembangku nanawo
tatelane
nalekabe nauhu nipikung ngu lumu
toghase
badang kere marondose
nulamude
su koto ake nitudo sesile
sesile
susamurine ipuhengkingapa
nasesabe
supendang, nalese suendumang
BEKENG KUKO BOU KAMPONG LELE
“su wulude para pia singkalu kalisusu e
o timuwo su watu, o upasasuba matimadu e
endai ngiang, endai ngiang, ngiang mendigu
petone
ku kai koateng hiwusalang sembanuane”
bekene,
wawa su wedae delahe mangkete waresi
niwaresi
ikuko dingan kakaehe bou timbung bango
bango
malaluhe taka awikang, taka potokang
timuwo
bou tempo medadaliu
su
kapulung makawasa liung kawasa
“nasongo bau manaro e ia nakasilo gatine
e simenang, e simenang tatualagene
kere wungang timuwo sukakaliomanenge
e kasasuku matinalung su tentanube ko
maralendinge”
nau
kuko,
su
elo hebi mangkete ikapendangen piako natuno
natuno
kere dasehe su malukade marendung
kere
daraselang nitentang kipunge
ketang
lentege naneka naung
tedune
ikatemang ketang kau undange kuko
“e kuko ndai ko onggo paledenu
o pelo su seba kakoa talentu
e binawa mawira su ghatinu
o ndai penahuntela dingang pendangku”
APENG ULU
su
apengi kite horo mutehung dingkaleng
munalang
su hamune dingang buane
muliwua
sarang pisi mawiru kukende
mangampale
elo sumeda
muhena
mahamu su langine
kamageng
matangelo simeda sulimang i mawendo
dasi
su mohong awu menomeno medorong sembah
ndai
karanine sakaeng bou wiaho dingangu taghulandang
nebawa
busa, duku dingang apang lohong banuane
sutengong
pasare nawuna lai singgesa bou para
nebawa
pinekuhe dingang kina tapa
tempong
pasare, ulu mang takalawangeng ramene
manga
ana usembau bau rukune dimesung mudea gawene
bou
tempong datungi kite
sasulinge
mang pasare pesasombangeng
namang
mutahendung apeng ulu kereii
mangkatahendungang
uwenteng bou tempong iamang watahi
bekene
makahengkase dukuawa
ade
pia sasangine nareso bou tempong nupapate
baline
mahali mangawahaning nalese
asele
banuang kite tai kaghala tau babare
BERANG
MATELING
tau
mateling ikakilala subawerane
matatape
delentene, matatape lai sasasane
metung
gatine pia ahine
muntia
papande ko su naunge
kimese
bau naung bawera marange
makatiu
bahe, makagholang sasangi
sai
tasumangi sukawawengi winohe susi
mulanging
sakaeng, sinasane sasalamate
kumaka
tamaka kaka
ketang
naung nangenede ake sumata
kemageng
dimarisi ariwe pandang bolla lakune
suliungkarangene
netingkasana sie kere ebung sudempuge
Hapi
susi bou sorga marange datune
limintu
surunia hentang kakendagene su taumata
dahane
natumpe tadea kita mapelo bou sasilaka
tumuwo
masuhampa, pesasirungan apang palahana
Tidak ada komentar:
Posting Komentar